நீங்க சரியா சாப்பிடுறீங்களா?

நீங்க சரியா சாப்பிடுறீங்களா?

நன்றி :  தினமலர்( http://www.dinamalar.com/splpart_detail.asp?id=93)

நாடி சமன்படுத்துதல் மருத்துவர், உமா வெங்கடேஷ்: நம் உடல், நிலம், நீர், காற்று, ஆகாயம், நெருப்பு எனும் பஞ்சபூதங்களால் ஆனது. நம் நாக்கிலேயே, பஞ்சபூதங்களும் உள்ளன. திடீரென காரமாக சாப்பிடத் தோன்றினால், நம் உடம்பில், காற்றின் அங்கம் குறைவாக உள்ளதென அர்த்தம். இதே போல், காரம், துவர்ப்பு காற்றின் அங்கம்; இனிப்பு நிலத்தின் அங்கம்; ஆகாயம் - புளிப்புத் தன்மை, நீருக்கு - உப்பு, நெருப்புக்கு - கசப்பு. பஞ்சபூதங்களின் என்ன தன்மைகள், நம் உடம்பில் குறைகிறதோ, அது தேவை என்பதை, நம் நாக்கு சொல்லும்.சாப்பிடும் போது, மெதுவாக, மென்று சாப்பிட வேண்டும். வாயின் இருபுறமும், உணவை நன்றாக பரப்பி மெல்ல வேண்டும். அப்போது தான், உமிழ்நீர் நன்றாக ஊறி, உணவுடன் இரண்டறக் கலந்து, செரிமானத்தை எளிதாக்கும். தண்ணீர் குடித்து, 15 நிமிடம் கழித்துத் தான் சாப்பிட வேண்டும். சாப்பாட்டிற்குப் பின், அரை மணி நேரம் கழித்துத் தான், தண்ணீர் குடிக்க வேண்டும். தண்ணீர் குடிக்கும் போது, நன்றாக வாயில் பரப்பி, அமைதியாக ருசித்து குடிக்க வேண்டும்.எந்த ஒரு காய் சாப்பிட்டாலும், அடுத்து குறைந்தபட்சம், 11 நாட்களுக்கு அதை ஒதுக்க வேண்டும். ஒரே காய்கறியை தொடர்ந்து சாப்பிட்டால், ஒரே விதமான சத்து தான் உடலுக்கு கிடைக்கும். இன்று, உணவில் துவரம் பருப்பு சேர்த்தால், நாளை பாசிப் பருப்பு சேர்க்க வேண்டும்.சாப்பிடும் போது, இரண்டு உதடும் சேர்ந்தே இருக்க வேண்டும். உள்ளுக்குள்ளேயே உணவு நொறுங்க வேண்டும். சாப்பிடும் போது பேசினால், காற்று உள்ளே போய், உணவுடன் கலந்து, வாயு சேர்ந்துவிடும்.காலையில் யோகா, மூச்சுப் பயிற்சி செய்துவிட்டு, அரை எலுமிச்சம்பழம், ஒரு டீஸ்பூன் தேன் கலந்து குடிக்க வேண்டும். இதில், உடலுக்கு தேவையான இனிப்பு, புளிப்பு, துவர்ப்பு, லேசான கசப்பு கிடைக்கும். இது, உடம்பின் பஞ்சபூத சக்தியை ஈடு செய்யும்.காலையில் சத்தான உணவு, மதியம் மிதமான உணவு, இரவு மிக லேசான உணவு. இது தான், உடலை எப்போதும் புத்துணர்ச்சியாக இருக்க வைக்கும்!

தமிழகத்தின் 234 எம்எல்ஏக்களுக்கு தனி மின்னஞ்சல் முகவரி

http://itnewshot.blogspot.com/2011/12/234.html

T.ராஜேந்தரின் ஒஸ்தி பேட்டி - காணொளி - காணத்தவறாதீர்

பால் காய்ச்ச தெரியுமா?

நன்றி : தினமலர்
உணவியல் நிபுணர் ஷைனி சந்திரன்: பாலை பலமுறை சுட வைப்பது மிகத் தவறான பழக்கம். காய்ச்சிய பாலை, 2-3 நிமிடங்களுக்கு மேல் நீண்ட நேரம் சுட வைக்கும் போது, அதில் உள்ள வைட்டமின், பி காம்ப்ளக்ஸ் சத்துக்களான, பி1, பி2, பி12 ஆகியவை ஆவியாகிவிடும். கால்சியம், வைட்டமின் சத்துக்களுக்காகத்தான் பால் குடிக்கிறோம். ஆனால், பாலை அடிக்கடி சுட வைப்பதால், அந்த சத்துக்கள் வீணாகிவிடும். பால் குடிப்பதும் வீண் தான். பசும் பாலில் தீங்கு தரும் பாக்டீரியா, வைரஸ் போன்ற நுண்கிருமிகள் இருக்கும். அவை காய்ச்சும் போது அழிந்துவிடும். இன்று பெரும்பாலும் பாக்கெட் பாலை வாங்குகிறோம். அது ஏற்கனவே, சுத்தம் செய் யப்பட்ட பின் தான், பாக்கெட்டுகளில் அடைக்கப்படுகிறது என்பதால், அதை நீண்ட நேரம் காய்ச்ச வேண்டும் என்ற அவசியமில்லை. பாலைக் காய்ச்சியதும் குடித்து விடலாம். ஆறவிட்டு, மீண்டும் சூடாக்கி, சத்துக்களை அழித்த பாலைக் குடிப்பதைத் தவிர்க்கலாம். பசும் பால் வாங்குபவர்கள், பால் பொங்கியதும், உடனே இறக்கி விடாமல், 8-10 நிமிடங்கள் காய்ச்ச வேண்டும். கரண்டியால், பாலைக் கிளறிக்கொண்டே இருக்க வேண்டும். அப்போது தான் பால், 100 டிகிரி செல்சியஸ் வரை சூடாகி, தீங்கு தரும் பாக்டீரியாக்கள் அழியும். பதப்படுத் தப்பட்ட பாக்கெட் பாலில் ஏற்கனவே, பாக்டீரியாக்கள் அழிக்கப்பட்டிருப்பதால், அதை, 6-8 நிமிடங்கள் சூடு செய்தால் போதும். பொதுவாக எந்த வகைப் பாலாக இருந்தாலும், அதை இரண்டு முறைக்கு மேல் சு ட வைக்க வேண்டாம். ஒருமுறை பாலைக் காய்ச்சியபின், அதை பிரிஜில் வைக் கலாம். காபி, டீ என தயார் செய்யும்போது, மீண்டும் மொத்தப் பாலையும் காய்ச்சாமல், எத்தனை டம்ளர் தேவைப்படுகிறதோ, அந்தளவிற்கு மட்டும் பாலை எடுத்து தயார் செய்யலாம்.

ஆண்ட இனம் தளிர்த்து வளர அருள்வாயோ

பொன்னார் மேனியனே!! வெம் புலித்தோல் உடுத்தவனே 

ஆண்ட இனம் தளிர்த்து வளர, செழித்து மலர அருள்வாயோ.

யுத்தத்தின் போது உயரிழந்த அப்பாவி தமிழ் மக்கள் ஆத்மா சாந்தி அடைய வேண்டுகிறேன். 

இப்படிக்கு,

ஈழ தமிழ் மக்கள் துயரத்தில் தவித்த போது உதவி செய்ய இயலாத தென்னிந்திய   தமிழன். 

வெற்றி பெற்ற அதிமுக கூட்டணி, சவுக்கு (www.savukku.net) இணைய தளத்திற்கு வாழ்த்துக்கள்

ஊழலற்ற நல்லாட்சியை தர வேண்டும் என்பதே மக்களின் எதிர்பார்ப்பு.  வெற்றி பெற்ற அதிமுக கூட்டணிக்கு வாழ்த்துக்கள். 

திமுகவின் ஊழல்களை ஆதாரங்களுடன் வெளிபடுத்திய சவுக்கு (www.savukku.net) இணைய தளத்திற்கு சிறப்பு வாழ்த்துக்கள்.

 சவுக்கு (www.savukku.net) இணைய தளத்தால் ஆதாரத்துடன் அம்பலப்படுத்தப் பட்ட  ஒரு ஊழல். இதை படித்த பிறகு தான் எனக்கு திமுக அரசின் மீது வெறுப்பு வர ஆரம்பித்தது. 

http://www.savukku.net/index.php?option=com_content&view=article&id=312:2011-01-16-04-08-35&catid=1:2010-07-12-16-58-06&Itemid=2

அதிமுக அணி தவறு செய்தாலும் அதை சவுக்கு துணிச்சலுடன் சுட்டிக் காட்ட வேண்டும்.

படம் 

நன்றி : தினமலர்

படம் 

நன்றி : Sify

அன்புள்ள முதல்வருக்கு, ஆனந்தி எழுதுவது ...

நன்றி : தினமலர் 

சுட்டி : http://www.dinamalar.com/News_Detail.asp?Id=238614

10.05.2011 : ஐயா, வணக்கம்! ஆத்தூரை அடுத்துள்ள தலைவாசல் கூகையூர் கிராமத்தைச் சேர்ந்த, 104 வயதான உரைநூல் பேராசிரியர் அடிகளாசிரியருக்கு, மத்திய அரசு தொல்காப்பியர் விருதும், பணமுடிப்பும் அறிவித்து, அதன்படியே கொடுத்தும் விட்டது; சந்தோஷம்! இதுபற்றி தாங்கள் அடைந்த புளகாங்கிதத்தையும், பகிர்ந்து கொண்டீர்கள்; ரொம்ப சந்தோஷம்!

ஆனால், 2000வது ஆண்டில், நீங்கள் அறிவித்த, திருவள்ளுவர் விருது, பணம், இன்னமும் பலருக்கு வரவில்லையே ஐயா! மிக நீண்ட இடைவெளி காரணமாக, இந்த விருது பற்றி கிடைத்தவர்கள் கூட மறந்து இருக்கலாம்; ஆகவே, ஞாபகப்படுத்துகிறேன்.

கன்னியாகுமரியில், 2000வது புத்தாண்டு தொடக்கத்தில், 133 அடி உயர பிரமாண்ட திருவள்ளுவர் சிலையை, முதல்வராக இருந்து, திறந்து வைத்தீர்கள். அந்த விழாவில், பள்ளி சிறுவர், சிறுமியர் பலர் 1,330 திருக்குறளையும் ஒப்புவித்ததுடன், குறளின் கடைசி வரியை சொல்லி, அக்குறளை சொல்லச் சொன்னால் கூட, முழுக் குறளையும் சொல்லி, பொருளும் கூறினர். 133 அதிகாரத்தில், எந்த இடத்தில், அந்த குறள் இடம் பெறுகிறது என்றும் சொல்லி வியக்க வைத்தனர்.

இப்படி குறளை கரைத்து குடித்த, அந்த சிறுவர், சிறுமியரால், சபை மட்டுமல்ல, நீங்களும் சந்தோஷமடைந்தீர்கள். இந்த குழந்தைகள் படித்து முடிக்கும் வரை, மாதம் ஆயிரம் ரூபாய் ஊக்கத் தொகையாக வழங்கப்படும் என்று அறிவித்து, கைத்தட்டலையும் அள்ளினீர்கள். அந்த குழந்தைகளும், மாதம் ஆயிரம் ரூபாய் சன்மானம், இந்த மாதம் வரும், அடுத்த மாதம் வரும் என்று காத்திருந்து, காத்திருந்து கிட்டத்தட்ட, 12 வருடமாகிறது; இன்னும் தொகை வந்தபாடில்லை. குழந்தைகள் வளர்ந்தும் விட்டனர்; பலர், இதை மறந்தும் விட்டனர்!

ஆனால், இன்னமும் மறக்காத, அப்பாவி அப்பா ஒருவர், இதை ஞாபகப்படுத்தி, இப்போது அரசுக்கு கடிதம் போட்டார். மாதா, மாதம் ஆயிரம் ரூபாய் தருமளவிற்கு அரசிடம் நிதி கொட்டியா கிடக்கிறது? மொத்தத்தில் தொகுப்பூதியமாக ஒரு தொகை, பத்தாயிரமோ அல்லது கொஞ்சம் கூடுதலாகவோ தருவதற்கு ஆலோசனை நடந்துகொண்டு இருக்கிறது. ஆலோசனை முடிந்ததும், சொல்லி அனுப்புகிறோம் என்ற ரீதியில் பதில் அனுப்பியுள்ளார்கள்.

அரசிடம் நிதி கொட்டியா கிடக்கிறது, மாதா, மாதம் ஆயிரம் ரூபாய் தருவதற்கு என்று காட்டமாக எழுதிய கடிதத்தின் மை உலர்வதற்கு முன், யாரும் கேட்காமல், எவரும் வற்புறுத்தாமல், இந்திய கிரிக்கெட் அணிக்கு நான்கு கோடி ரூபாய் பரிசாக வழங்கப்பட்டுள்ளது. ஆயிரத்தை விட, கோடி சிறிதா அல்லது திருக்குறள் ஒப்புவித்த சிறுவர்களை விட, கிரிக்கெட் வீரர்கள் சிரமத்தில் இருக்கின்றனரா? தெரியவில்லை... அனேகமாக, கடிதம் கிடைக்கப்பெற்ற, அந்த அப்பாவி அப்பா, மகனிடம், "இனி, திருக்குறளை விழுந்து, விழுந்து படிப்பே...' என, கேட்டு புளிய விளாறால் விளாசி இருக்கலாம்.

இரண்டரை கோடி ரூபாய் மதிப்புள்ள வீட்டை, 65 லட்சத்திற்கு வாங்குவதற்கு காட்டிய அக்கறையை, ஏன் இதில் காட்டவில்லை என, சம்பந்தபட்ட அதிகாரிகளை, நீங்கள் ஒரு வார்த்தை கேட்கலாமே ஐயா!

மேலும் படிக்க 

சுட்டி : http://www.dinamalar.com/News_Detail.asp?Id=238614

லத்திகா 50 வது நாள்

இன்றைய தினத்தந்தி நாளிதழை பார்த்து கொண்டிருந்த எனக்கு,  10 வது பக்கத்தில் மிகப்பெரிய அதிர்ச்சி காத்துகொண்டிருந்தது.  

அதிர்ச்சிக்கு காரணம், 10 வது பக்கத்தில் பவர் ஸ்டார் டாக்டர்.S. சீனிவாசன் நடித்த லத்திகா படத்தின் 50 வது நாள் விளம்பரம் வெளியாகி இருந்தது.  அதனோடு அவர் நடித்து கொண்டிருக்கும் மற்ற இரண்டு படங்களின் விளம்பரங்களும் வெளியாகி இருந்தன.

மேலும் விபரங்களுக்கு, 09-May-2011 பெங்களூர் பதிப்பு தினத்தந்தி epaper 10 வது பக்கம் பார்க்கவும் 

http://www.dailythanthi.com/thanthiepaper/firstpage.aspx

படத்தை க்ளிக்கி பெரிதாக்கி பார்த்து அதிர்ச்சி அடையவும். 

பவர் ஸ்டார் பற்றிய மற்ற விவரங்களை கீழ்க்கண்ட சுட்டிகளை சொடுக்கி தெரிந்து கொள்ளவும்.

http://iravuvaanam.blogspot.com/2011/03/s.html

http://muthusiva.blogspot.com/2011/05/ksr.html

http://www.narumugai.com/2011/03/%E0%AE%AA%E0%AE%B5%E0%AE%B0%E0%AF%8D%E0%AE%B8%E0%AF%8D%E0%AE%9F%E0%AE%BE%E0%AE%B0%E0%AF%8D-%E0%AE%9F%E0%AE%BE%E0%AE%95%E0%AF%8D%E0%AE%9F%E0%AE%B0%E0%AF%8D-%E0%AE%9A%E0%AF%80%E0%AE%A9%E0%AE%BF/

உலககோப்பை - தோணியாக நின்று அணியை கரை சேர்த்த கேப்டன் டோனிக்கு சிறப்பு வாழ்த்துக்கள்

நமது வெற்றியை நாளைய சரித்திரம் சொல்லும், இப்படை தோற்கின் எப்படை வெல்லும்.

2011 ம் ஆண்டுக்கான உலககோப்பையை வென்ற இந்திய கிரிக்கெட் அணிக்கு வாழ்த்துக்கள். தோணியாக நின்று அணியை கரை சேர்த்த கேப்டன் டோனிக்கு சிறப்பு வாழ்த்துக்கள். 

வடபழனி முருகன் கோவிலில் மயிலாகவும் வேலாகவும் காட்சியளித்த தேனீக்கள்

நன்றி : தினமலர் , தினத்தந்தி (படங்கள்)
http://www.dinamalar.com/News_Detail.asp?Id=201948

2011 ம் ஆண்டு, மார்ச் 7,8 தேதிகளில் வடபழனி முருகன் கோவில் கொடி மரத்தில் மயில் வடிவிலும், பின்னர் வேல் வடிவிலும் தேனீக்கள் காட்சி அளித்தன.

ICC 2011 - உலக கோப்பை கிரிக்கெட் தொடக்க விழாவில் நாக்க முக்க பாடல் - காணொளி

http://www.voicetamil.com/?p=27203
பாடல் வரிகளுக்கு 

http://thenkinnam.blogspot.com/2008/10/744.html

ஐ.ஏ.எஸ். முதன்மைத் தேர்வு: மனிதநேய அறக்கட்டளை மாணவர்கள் 68 பேர் தேர்ச்சி! பார்வையற்ற மாணவியும் வெற்றி

நன்றி :  http://tamil.webdunia.com/newsworld/career/news/1103/03/1110303069_1.htm


மனிதநேய அறக்கட்டளை  இணையதள முகவரி:
http://www.saidaiduraisamysmanidhaneyam.com/


இந்திய அரசுப் பணி, இந்திய காவல் பணி ஆகியவற்றிற்கு மத்திய அரசுப் பொதுப் பணி ஆணையம் நடத்திய ஐ.ஏ.எஸ்., ஐ.பி.எஸ். முதன்மைத் தேர்வில் (IAS, IPS Main Exam), சைதை சா.துரைசாமியின் மனிதநேயம் அறக்கட்டளையில் பயிற்சி பெற்றுத் தேர்வு எழுதிய 135 மாணவ-மாணவியரில் 68 பேர் தேர்ச்சி பெற்றுள்ளனர்.

முதன்மைத் தேர்வில் தேர்ச்சி பெற்று, நேர்முகத் தேர்விற்குத் தகுதி பெற்றவர்களில் இரண்டு கண் பார்வையையும் இழந்த ஜெ.சுஜிதா என்ற மாணவியும் ஒருவர் என்பது குறிப்பிடத்தக்கது.

சைதை சா.துரைசாமியின் மனிதநேயம் அறக்கட்டளை நடத்திவரும் ஐ.ஏ.எஸ்., ஐ.பி.எஸ். இலவச கல்வியகத்தின் மூலமாக, கடந்த 4 ஆண்டுகளில் பயிற்சி பெற்ற 87 மாணவ, மாணவியர் ஐ.ஏ.எஸ்., ஐ.பி.எஸ். தேர்வில் வெற்றி பெற்று, மத்திய அரசுப் பணியிலும், பணி பயிற்சியிலும் உள்ளனர்.

கடந்த ஆண்டு இறுதியில் நடத்தப்பட்ட முதன்மைத் தேர்வில் மனிதநேய அறக்கட்டளையில் பயிற்றுவிக்கப்பட்ட 135 மாணவ, மாணவியர் தேர்வு எழுதியிருந்தனர். இத்தேர்வு முடிவு இன்று வெளியாகியுள்ளது. இதில் மனித நேய அறக்கட்டளையின் 68 மாணவ, மாணவியர் தேர்ச்சி பெற்றுள்ளது தெரியவந்துள்ளது.

இது தொடர்பாக மனிதநேய அறக்கட்டளை வெளியிட்டுள்ள செய்திக் குறிப்பில், இந்தியாவில் இதுவரை இல்லாத அளவிற்கு, முதன்முறையாக முதன்மைத் தேர்வு (Main Exam) எழுதிய உடனேயே நேர்முகத் தேர்விற்கான பயிற்சி நவம்பர் மாதத்திலேயே தொடங்கப்பட்டு நடைபெற்று வருவதாக தெரிவிக்கப்பட்டுள்ளது.

நேர்முகத் தேர்விற்கான பயிற்சி வகுப்புகள் தொடர்ந்து நடத்தப்படும் என்றும், இதில் ஐ.ஏ.எஸ். மாதிரி நேர்முகத் தேர்வுகள், ஆளுமைக்கான வகுப்புகள், டெல்லிக்கு அழைத்துச் சென்று அங்கு நடத்தப்படும் என்றும், அதற்கான பயணம், தங்குமிட வசதி, உணவு, பயிற்சி அனைத்தும் அறக்கட்டளையின் சார்பாக இலவசமாக நடத்தப்படும் என்றும் அறிவிக்கப்பட்டுள்ளது.

இப்பயிற்சி வகுப்புகளில் கலந்துகொள்ள விரும்பும் வெளி மாணவ-மாணவியரிடமிருந்தும் விண்ணப்பங்கள் வரவேற்கப்படுவதாகவும், மாணவ, மாணவியர் தக்க சான்றிதழ்களுடன் மையத்தில் தங்கள் பெயர் உள்ளிட்ட விவரங்களை நாளை (04.03.2011) முதல் பதிவு செய்துக் கொள்ளலாம் என்றும் பயிற்சி மையத்தின் இயக்குனர் கார்த்திகேயன் தெரிவித்துள்ளார்.

மேலும் விவரங்கள் அறிய 044-2435 8373 அல்லது செல்பேசி எண் 98401 06162 தொடர்பு கொள்ளலாம் என்றும் மனிதநேய அறக்கட்டளை அறிவித்துள்ளது. 

ஸ்பெக்ட்ரம் - வினாடி வினா

படத்தை கிளிக்கி பெரிதாக்கி படிக்கவும். உங்கள் பதில்களை பின்னூட்டத்தில் தெரிவிக்கவும். 

இந்திய ரயில்வேயின் புதிய சிக்னல்கள் - படித்ததில் பிடித்தது

24-JAN-2011 DNA ஆங்கில நாளிதழில் குடியரசு தின விழா அன்றுகாஷ்மீர் மாநிலத்தில் தேசிய கொடி ஏற்ற சென்ற பீ.ஜே.பியினர் குறித்து  வெளியான செய்தி .

நன்றி :
http://epaper.dnaindia.com/dnabangalore/epaperpdf/24012011/23bangalore%20main%20edition-pg1-0.pdf

மேலும் தகவல்களுக்கு :
http://idlyvadai.blogspot.com/2011/01/30-01-11.html

விரும்பிய செல்பேசி நிறுவனத்திற்கு மாறிக்கொள்ளும் வசதி - ரூ.19/-

மேலும்  விளக்கத்திற்கு 
http://idlyvadai.blogspot.com/2011/01/mnp.html

மதுரை ரயில்களின் எண்கள் மாற்றம்!

நன்றி : தட்ஸ் தமிழ் 

(http://thatstamil.oneindia.in/art-culture/essays/2010/19-madurai-train-numbers-change-dec-20.html)

மதுரை: மதுரை கோட்ட ரெயில்வேயில் திங்கட்கிழமை முதல் எக்ஸ்பிரஸ், பாசஞ்சர் ரெயில்களுக்கான புதிய ரெயில் எண்கள் நடைமுறைக்கு வருகின்றன. 

நாடு முழுவதும் பயணிகளின் வசதிக்காக அதிகளவில் புதிய ரெயில்கள் இயக்கப்படுகின்றன. இதனால், அனைத்து ரெயில்களுக்கும் எண்கள் கொடுப்பதில் சிக்கல் ஏற்பட்டு உள்ளது. அதனை தொடர்ந்து இந்திய ரெயில்வேயில் உள்ள எக்ஸ்பிரஸ் மற்றும் பாசஞ்சர் ரெயில்களின் எண்களில் மாற்றம் கொண்டுவரப்படுகிறது.

இந்த எண் மாற்றம் நாளை மறுநாள் (திங்கட்கிழமை) முதல் அமலுக்கு வருகிறது. இதில் எக்ஸ்பிரஸ் ரெயில்களுக்கு பழைய எண்களுக்கு முன்னால் 1 சேர்க்கப்படுகிறது. ஆனால் பாசஞ்சர் ரெயிலின் எண்கள் முழுமையாக மாற்றம் செய்யப்பட்டுள்ளன. 

மதுரை வழியாக இயக்கப்படும் எக்ஸ்பிரஸ் ரெயில்களின் புதிய எண்கள் விவரம் பின்வருமாறு:

மதுரை- சென்னை- மதுரை வைகை எக்ஸ்பிரஸ் ரெயில் எண் 12635/12636

மதுரை-சென்னை -மதுரை பாண்டியன் எக்ஸ் பிரஸ் 12637/12638

நெல்லை-சென்னை- நெல்லை எக்ஸ்பிரஸ் 12632/12631

கன்னியாகுமரி- சென்னை-கன்னியாகுமரி எக்ஸ்பிரஸ் 12633/12634

நாகர்கோவில் -சென்னை வாராந்திர எக்ஸ்பிரஸ் 12667/12668

செங்கோட்டை- சென்னை பொதிகை எக்ஸ்பிரஸ் 12662/12661

தூத்துக்குடி-சென்னை முத்துநகர் எக்ஸ்பிரஸ் 12694/12693

ராமேசுவரம்-கன்னியா குமரி-ராமேசுவரம் எக்ஸ் பிரஸ் 12789/12790

மதுரை-சென்னை மெயின்லைன் எக்ஸ்பிரஸ் 12793/12794

ராமேசுவரம்-சென்னை மெயின்லைன் எக்ஸ்பிரஸ் 16701/16702

ராமேசுவரம்-சென்னை சேது எக்ஸ்பிரஸ் 16714/16713

திருவனந்தபுரம் -சென்னை அனந்தபுரி எக்ஸ்பிரஸ் 16724/16723

தூத்துக்குடி-மைசூர் எக்ஸ்பிரஸ் 16731/16732

ராமேசுவரம்-ஓகா எக்ஸ்பிரஸ் 16733/16734 

மதுரை கோட்ட ரெயில் வேக்கு உட்பட்ட பாசஞ்சர் ரெயில்களின் புதிய எண் வருமாறு:-

(பழைய எண்கள் அடைப்புக்குறிக்குள் குறிப்பிடப்பட்டுள்ளன)

நெல்லை-மயிலாடுதுறை பாசஞ்சர் 56822 (826 ஏ)

மயிலாடுதுறை-நெல்லை பாசஞ்சர் 56821 (825 ஏ)

மதுரை-செங்கோட்டை பாசஞ்சர் 56731(783)

செங்கோட்டை-மதுரை பாசஞ்சர் 56736(784)

மதுரை-செங்கோட்டை பாசஞ்சர் 56735(785)

செங்கோட்டை-மதுரை பாசஞ்சர் 56732(786)

மதுரை-செங்கோட்டை பாசஞ்சர் 56733(787)

செங்கோட்டை-மதுரை பாசஞ்சர் 56734(788)

மதுரை-ராமேசுவரம் பாசஞ்சர் 56723(753)

ராமேசுவரம்-மதுரை பாசஞ்சர் 56726(756)

மதுரை-ராமேசுவரம் பாசஞ்சர் 56721(751)

ராமேசுவரம்-மதுரை பாசஞ்சர் 56724(754)

மதுரை-ராமேசுவரம் பாசஞ்சர் 56725(755)

ராமேசுவரம்-மதுரை பாசஞ்சர் 56722(752)

விழுப்புரம்-மதுரை பாசஞ்சர் 56705(701)

மதுரை-விழுப்புரம் பாசஞ்சர் 56706(702)

மதுரை-திண்டுக்கல் பாசஞ்சர் 56710(716)

திண்டுக்கல்-மதுரை பாசஞ்சர் 56709(715)

திண்டுக்கல்-மதுரை பாசஞ்சர் 56707(711)

மதுரை-திண்டுக்கல் பாசஞ்சர் 56708(712)

மதுரை-கொல்லம் பாசஞ்சர் 56700(727)

கொல்லம்-மதுரை பாசஞ்சர் 56701(728)

திருச்சி-காரைக்குடி பாசஞ்சர் 06839 (839 ஏ)

காரைக்குடி-திருச்சி பாசஞ்சர் 06840 (840 ஏ)

காரைக்குடி- மானாமதுரை பாசஞ்சர் 06837 (841)


மானாமதுரை- காரைக் குடி பாசஞ்சர் 06838 (842).

நவ்ஸ் என்கிற நவரத்தினத்திற்கு கொடைக்கானலில் ஏற்பட்ட திகில் அனுபவம்

என் பெயர் நவரத்தினம். நண்பர்கள் என்னை நவ்ஸ் என்று அழைப்பார்கள். நான் என் நண்பர்களுடன் கொடைக்கானல் சுற்றுலா சென்றேன். அது ஒரு அடை மழை காலம். நல்ல குளிர் காற்று. மழை காரணமாக சில இடங்களில் நிலச்சரிவு. பல இடங்களை சுற்றிப்பார்த்ததில் நேரம் போனதே தெரியவில்லை. மாலை முடிந்து இருள் லேசாக கவியத் தொடங்கியது.

இறுதியாக தற்கொலை பாறை பகுதிக்கு சென்றோம். அங்கே வேலி போடப்பட்டு இருந்ததினால், அங்கிருந்த சிலரின் எச்சரிக்கையையும் மீறி சிறிது தள்ளி வேலி இடாத பகுதிக்கு சென்றோம்.அவ்விடத்தில் மண் ஈரத்தின் காரணமாக உறுதியற்று இருந்தது. அதனால் மற்றவர்கள் வந்த வழியே திரும்பி செல்ல ஆரம்பித்தனர். ஆனால் நானும் இன்னொரு நண்பனும் முன்னே சென்று பள்ளத்தாக்கை பார்த்துவிட்டு திரும்பலாம் என்று நினைத்தோம். நான் இன்னும் சிறிது முன்னே விளிம்பின் அருகில் சென்றேன். நண்பன் என்னை பின் தொடர்ந்து வந்தான். திடீர் என்று என் காலுக்கு கீழுள்ள மண் சரிந்தது. நான் பள்ளத்தில் சரிய ஆரம்பித்தேன். என் பின்னால் வந்த நண்பன், என் கையை பிடித்து மேலே தூக்க முயற்சி செய்தான். என் கண் முன்னே உலகம் சுற்றியது. மண் சரிவு மேலும் அதிகரிக்க ஆரம்பித்தது. அவனால் என்னை மேலே தூக்க முடியவில்லை. அவன் நின்ற இடமும் சிறிது சிறிதாக சரியாய் ஆரம்பித்தது. அதனால் அவன் தன் முயற்சியை கைவிட்டு மற்ற நண்பர்களை அழைக்க சென்றான்.

ஆனால் அவர்கள் வருவதற்குள் மண் சரிவு அதிகரித்தால் நான் வேகமாக சரிந்தேன். பிடிமானம் எதுவுமில்லை. சரிந்து கொண்டே மண்ணுக்குள் புதைந்தேன். கடைசியில் ஒரு இடத்தில் சரிவு முடிந்தது. என் தலைக்கு மேல் முழுவதும் மண். மூச்சு விட முடியவில்லை. கண்ணை திறந்து பார்த்தால் சுற்றிலும் இருள். கையை கொண்டு முகத்தின் மேலிருந்த மண்ணை அகற்ற முயன்றேன். நான் மண்ணின் ஆழத்தில் இருந்ததால் அகற்ற அகற்ற மண் வந்து கொண்டே இருந்தது. என் பயம் அதிகரித்தது. உடம்பு முழுவதும் வேர்க்கிறது. உயிர் பிழைக்க வேண்டும் என்ற உந்துதலில் என் மேலுள்ள மண்ணை முன்னிலும் வேகமாக அகற்றினேன். இருந்தும் பயனில்லை. கடைசியில் ஒரு வழியாக முகத்தை மூடியுள்ள மண் முழுவதையும் அகற்றிப் பார்த்தால் தலைக்கு மேலே மின்விசிறி சுற்றும் ஓசை கேட்கிறது. அடச்சீ கனவு!!! கனவும் நனவும் சந்தித்த புள்ளியில் அதிர்ச்சியை உணர்ந்தேன். என்னை சுற்றிலும் கருப்பு நிற கம்பளி போர்வை. தூக்கத்தில் குளிருக்கு இதமாக முகம் முழுவதையும் மூடி இருந்த போர்வையை அகற்றத்தான் இத்தனை பாடுபட்டிருக்கிறேன். வெட்கி தலை குனிந்தேன். எப்படியோ மிகப் பெரிய ஆபத்தில்லிருந்து தப்பிய திருப்தியோடும் அதிர்ச்சியோடும் அடுத்த சுற்று தூக்கத்தை ஆரம்பித்தேன். புதிய கனவுக்கு ஆயத்தமானேன்.

சரஸ்வதி பூஜை , ஆயுத பூஜை வாழ்த்துக்கள்

அனைவருக்கும் சரஸ்வதி பூஜை , ஆயுத பூஜை வாழ்த்துக்கள்.

   சுப்பிரமணியபாரதியார் பாடிய சரஸ்வதி துதி
      வெள்ளைத் தாமரைப் பூவிl இருப்பாள்
      வீணை செய்யும் ஒலியில் இருப்பாள்!
      கொள்ளை இன்பம் குலவு கவிதை
      கூறு பாவலர் உள்ளத் திருப்பாள்!
      உள்ளாதாம் பொருள் தேடி உணர்ந்தே
      ஓதும் வேதத்தின் உள்நின் றொளிர்வாள்!
      கள்ளமற்ற முனிவர்கள் கூறும்
      கருணைவாசகத் உட் பொருளாவாள்!

     மாதர் தீங்குரற் பாட்டில் இருப்பாள்!
     மக்கள்பேசும் மழலையில் உள்ளாள்!
     கீதம்பாடும் குயிலின் குரலை
     கிளியின் நாவை இருப்பிடம் கொண்டாள்!
     கோதகன்ற தொழிலுடைத்தாகி
     குலவு சித்திரம் கோபுரம் கோயில்
     ஈதனைத்தின் எழிலிடையுற்றாள்!
     இன்பமே வடிவாகிடப்பெற்றாள்!

     வஞ்சமற்ற தொழில் புரிந்துண்டு
     வாழும் மாந்தர் குலதெய்வமாவாள்!
     வெஞ்சமர்க்குயிராகிய கொல்லர்,
     வித்தை ஓர்ந்திடு சிற்பியர்,தச்சர்
     மிஞ்ச நற்பொருள் வாணிகஞ்செய்வோர்,
     வீரமன்னர் பின்வேதியர் யாரும்
     தஞ்சமென்று வணங்கிடுந் தெய்வம்
     தரணி மீதறிவாகிய தெய்வம்!

     தெய்வம் யாவும் உணர்ந்திடும் தெய்வம்!
     தீமைகாட்டி விலக்கிடுந் தெய்வம்!
     உய்வமென்ற கருத்துடையோர்கள்
     உயிரினுக் குயிராகிய தெய்வம்!
     செய்வமென்றொரு செய்கையெடுப்போர்
     செம்மை நாடிப்பணிந்திடுந் தெய்வம்!
     கைவருந்தி உழைப்பவர் தெய்வம்!
     கவிஞர் தெய்வம்! கடவுளர்தெய்வம்!

     செந்தமிழ்மணி நாட்டிடை உள்ளீர்!
     சேர்ந்தித் தேவை வணங்குவம் வாரீர்!
     வந்தனம் இவட்கே செய்வதென்றால்
     வாழி அஃதிங்கெளிதன்று கண்டீர்!
     மந்திரத்தை முணுமுணுத்தேட்டை
     வரிசையாக அடுக்கி, அதன்மேல்
     சந்தனத்தை, மலரை இடுவோர்
     சாத்திரம் இவள் பூசனையன்றாம்!

     வீடுதோறும் கலையின் விளக்கம்,
     வீதிதோறும் இரண்டொரு பள்ளி,
     நாடு முற்றிலும் உள்ளன ஊர்கள்
     நகர்கள் எங்கும் பலபல பள்ளி,
     தேடு கல்வியிலாதொரு ஊரைத்
     தீயினுக்கிரையாக மடுத்தல்
     கேடுதீர்க்கும் அமுதம் என் அன்னை
     கேண்மை கொள்ள வழியிவை கண்டீர்!

    ஊணர் தேசம் யவனர்தந்தேசம்
    உதயஞாயிற்றொளிபெறு நாடு
    சேணகன்றதோர் சிற்றடிச்சீனம்
    செல்வப்பாரசிகப்பழந்தேசம்
    தோணலத்த துருக்கம் மிசிரம்
    சூழ்கடற்கப்புறத்தினில் இன்னும்
    காணும் பற்பல நாட்டிடை எல்லாம்
    கல்வித்தேவியின் ஒளிமிகுந்தொங்க

    ஞானம் என்பதோர் சொல்லின் பொருளாம்
    நல்லபாரத நாட்டிடை வந்தீர்
    ஊனம் இன்று பெரிதிழைக்கின்றீர்!
    ஓங்கு கல்வி உழைப்பை மறந்தீர்!
    மானமற்று விலங்குகள் ஒப்ப
    மண்ணில் வாழ்வதை வாழ்வெனலாமோ?
    போனதற்கு வருந்துதல் வேண்டா!
    புன்மை தீர்ப்ப முயலுவம் வாரீர்!

    இன்னறுங் கனிச்சோலைகள் செய்தல்
    இனிய நீர்த்தண்சுனைகளியற்றல்
    அன்ன சத்திரம் ஆயிரம் வைத்தல்
    ஆலயம் பதினாயிரம் நாட்டல்
    பின்னருள்ள தருமங்கள் யாவும்
    பெயர் விளங்கி ஒளிர நிறுத்தல்
    அன்ன யாவினும் புண்ணியங்கோடி
    ஆங்கோர் ஏழைக்கு எழுத்தறிவித்தல்.

    நிதி மிகுத்தவர் பொற்குவைதாரீர்!
    நிதிகுறைந்தவர் காசுகள் தாரீர்!
    அதுவுமற்றவர் வாய்ச்சொல் அருளீர்!
    ஆண்மையாளர் உழைப்பினை நல்கீர்!
    மதுரத்தேன் மொழிமாதர்கள் எல்லாம்
    வாணிபூசைக் உரியன பேசீர்!
    எதுவும் நல்கியிங் கெவ்வகையானும்
    இப்பெருந்தொழில் நாட்டுவம் வாரீர்!

பொங்கலுக்கு 93 நாட்கள் முன்பே ரயில் டிக்கெட் முன்பதிவு தொடங்கியது

நன்றி: தட்ஸ் தமிழ்

நெல்லை: பொங்கல் பண்டிக்கைகான ரயில் டிக்கெட் முன்பதிவு இன்று தொடங்கியது.

தமிழர்களின் முக்கிய பண்டிகையான பொங்கல் பண்டிகை வரும் ஜனவரி மாதம் 14-ம் தேதி (வெள்ளிக்கிழமை) கொண்டாடப்பட இருக்கிறது.

அடுத்து மாட்டு பொங்கல், திருவள்ளுவர் தினம், உழவர் தினம் என சனி, ஞாயிறு, விடுமுறை தினங்கள் என்பதால் கல்வி நிறுவனங்கள், அரசு அலுவலகங்களில் பணியாற்றுவோர் மற்றும் தனியார் நிறுவனங்களைச் சேர்ந்தோர் மகிழ்ச்சி அடைந்துள்ளனர். இதனால் ஜனவரி இரண்டாவது வாரம் முழுவதும் பொங்கல் பண்டிகை கொண்டாட்டமாக இருக்கும்.

பொங்கல் பண்டிகை கொண்டாட்டத்திற்காக வெளி மாவட்டங்கள் மற்றும் வெளி மாநிலங்களில் வசிக்கும் தமிழர்கள் தங்கள் சொந்த ஊருக்கு செல்ல முன்கூட்டியே பயணத் திட்டத்தை தயார் செய்து வருகின்றனர்.

ரயிலில் பயணம் செய்ய 90 நாட்களுக்கு முன்னதாகத் தான் முன்பதிவு செய்ய முடியும். பொங்கல் பண்டிகையை முன்னிட்டு ஜனவரி 10-ம் தேதி பயணம் செய்ய இன்று முன்பதிவு தொடங்கியது. ஜனவரி 11-ம் தேதிக்கு நாளையும், ஜனவரி 12-ம் தேதிக்கு அக்டோபர் 14-ம் தேதியும், ஜனவரி 13-ம் தேதிக்கு அக்டோபர் 15-ம் தேதியும், ஜனவரி 14-ம் தேதிக்கு அக்டோபர் 16-ம் தேதியும் முன்பு பதிவு செய்யலாம்.

வழக்கம் போல முன்பதி்வு தொடங்கிய சில நிமிடங்களிலேயே பொங்கல் பண்டிகையையொட்டி ரயில்கள் நிரம்பி விடும் என்பதால் முன்கூட்டியே டிக்கெட் எடுத்து விட அனைவரும் ஆவலுடன் காத்திருக்கின்றனர்.

"தமிழ் குடிமகன்' ஆக்குங்க : முதல்வருக்கு கோரிக்கை - தினமலர் செய்தி

செய்தியை படிக்க கீழுள்ள சுட்டியை சொடுக்கவும் 

http://www.dinamalar.com/News_Detail.asp?Id=72473